Met neue Idröck us Dubai, de USA ondere Reis nach Tokio loht sech die Woche guet loh zämefasse. Was alles passiert esch läset ehr do i

D Highlight vode Woche bi reisetopia ide Schwiz

Us de Wält vode Meile, Pönkt ond Reise hets weder vell spannends z brichte geh. Agfange mit Nachrichte us de Schwiz: d Swiss erhöht d Gebühre förd Sitzplatzreservierig uf de Korz- ond Mittelstrecki.. Dezue gets ändlich mol wieder neui Langstreckeziel ab Züri met de Swiss!

Swiss Economy Class Kurzstrecke CS100 Sitz
D Uswahl vode Sitzplätz werd türer

Die Woche esch au Airbus weder vermehrt ide Nachrichte präsent gsi:  D Air France het en Grossuftrag före Bestseller de A220 ufgeh ond cha im Gägezog ehri A380 zo bessere Konditione zrogg geh.

Air France’s A220 300

Bi Boeing hingäge zeige d Problem vode 737 MAX witeri Folge: es werd spekuliert, ob China Southern d Bstellig ned nor uf Eis gleiht, sondern komplett storniert het. Aber au d Airlines wo witerhin as Panneflogzüg gloube, send vo de Folge vom Grounding betroffe: bi Ryanair droht d Strichig vo rond 1’500 Stelle, well d Airline fest met witere Maschine ond eme stigende Flogufkomme grechnet het.

Ryanair Boeing 737 Max Flugzeug

Us Asie gets no zwoi witeri gueti Nochrichte: D Singapore Airlines het akündigt, alli Maschine mit Lie-flat Sitz uszstatte – en enorme Komfortgwönn uf de Mittelstrecki! Dezue gets jetzt en neui Option bide Ilösig vo Asia Miles: De Hong Kong Express loht sech met Meile loh bueche. En Hoge het des ganze aber: d Meilewärt send flexibel.

Singapore Airlines Business Class Airbus A330
Ghöre bald de Vergangeheit ah: d A330 vode Singapore Airlines bechöme lie-flat Sitz

Die Woche esch eini vode erschte Augustwoche, was för eus bedütet: vell neui Deals!

Mer händ d Meileschnäppli vo Austrian Airlines ond erstmalig au vo Eurowings för euch zämegfasst.

Dezue gets en neui Usgab vode reduzierte Meiletickets bi Air France ond KLM.

Florida Miami

Au bim Kauf vo Pönkt ond Meile händ mer die Woche cooli Agebot gha! De Sale vo Aegean Airlines met 50 Prozent Bonus esch leider am Fritig abgloffe. D Aktion för kostelosi Pönkt bi Hyatt goht aber no witer! Met de App chönne der jetzt det kostelosi Pönkt sammle. Ond wem die Pönkt ned länge, de cha sie jetzt au met 40 Prozent Bonus chaufe.

Ehr wännd alli Deals vo dere Woche nomol läse? De lueget am beschte uf eusere Öbersicht verbi.

Au a de Front vode Reviews händ mer spannends Material debi! I ha nämmli euch vo mim Ufenthalt em Kimpton Rowan in Palm Springs verzellt, woni die letschte Täg vo minere USA Reis verbrocht han.

Kimpton Rowan Palm Springs Kalifornien IHG 21 Kimpton Rowan Palm Springs Kalifornien IHG Aussicht 13 Kimpton Rowan Palm Springs Kalifornien IHG 8

Ond de Yannick het sini Idröck us eim vo de onzählige Hilton Hotels in Dubai met eus teilt. S Hilton Dubai the Walk het aber ned ganze jede chönne öberzüge-

Zimmer Hilton Dubai The Walk 9 Zimmer Hilton Dubai The Walk 8

Dezue händ mer euch met Idröck us de Singapore Airlines Lounge a ehrem Dreihchrüz in Asie sowie au us de American Express Centurion Lounge in Miami versorgt.

american express centurion lounge miami eingang

Witeri spannendi Reviews hets im Öbrige vo de British Airways Business Class uf de Korzstrecki geh, de Alex het das Boardprodukt ide letschte Woche grad mehrmols döffe teste. Ebefalls agluegt hämmer s Doubletree in Jakarta ond s Hilton Shanghai Hongqiao.

DoubleTree By Hilton Hotel Jakarta Pool 2
Das DoubleTree Jakarta konnte im Test gut abschneiden!

Aber au die Woche send mer weder onderwägs gsi om es paar neui Idröck ond Erfahrige z sammle!

De Fabian esch met vier Fröndinne uf Budapest gfloge, wo er ned nome d Stadt erkondet het, sondern vor allem as legendäre Sziget-Festival gange esch.

Fabian Budapest Wochenrückblick 2019 32 Sziget Festival

De Alex hets die Woche nach Tokia verschalge. Er schribt im Moment grad a sim Artikel, om euch öber sini spannendi Reis z brichte. De Wäg dört he esch nämmli zemli speziell gsi: Metem französicshe TER esches zerscht uf Strassburg gange, bevor er metem Lufthansa Bus uf Frankfurt esch. Vo dört us het er sin erschti Flog gha in Richtig Tunesie. Ufgrond vo Verspötige esch er dert ersch nach Mitternacht acho. Am Tag druf esches Jeddah nach Kairo gange. Vo sine eher exotische Flög ide Business Class esch er aber positiv öberrascht – jetzt send mer also uf sini Idröck ond Bilder gspannt.

SV C Airbus A330 Business Class Mittelstrecke 1 SV C Airbus A330 Business Class Mittelstrecke 5 SV C Airbus A330 Business Class Mittelstrecke 19

In Kairo het ehn denn de vo Waldorf-Astoria ond Hilton gfüehrti Heliopolis Tower erwartet – gemäss Alex es genials Hotel för de onschlagbari Pris.

CAI Kairo Waldorf Astoria Heliopolis Tower 64 CAI Kairo Waldorf Astoria Heliopolis Tower 46 CAI Kairo Waldorf Astoria Heliopolis Tower 11

Vo Kairo nach Tokio hätti er sech eigentli uf die neui Business Class im 787 vo Egyptair gfreut, leider esch denn doch en 777 gfloge. Trotzdem het er au de Flog chönne gnüsse ond trotz Recliner-Sitz gnue Schlof becho.

MS C Boeing 777 Business Class Langstrecke 1 MS C Boeing 777 Business Class Langstrecke 8

In Tokio het er denne s Hilton Narita Airport erlebt, wo er sis Zmorge metere sympathische Finnair Crew gnosse het.

NRT TYO Tokio Narita Hilton 10 NRT TYO Tokio Narita Hilton 6

Nachher esches is Moxy Hotel gange.

TYO Tokio Marriott Moxy 3 TYO Tokio Marriott Moxy 12

De Kontrast zwösche de drü bes jett bsuechte Hotels hätti chum chönne grösser sih – jetzt send de Alex sehr uf die witeri Reis ond ehri Hotels gspannt.

Was euch ide nöchste Woche erwartet

I de nöchste Woche händ mer einige Tricks ond Guides för d Hotels bi Marriot, Hyatt ond Hilton uf Lager. Aber au us de Wält vode Vellflüger händ mer es spannends Review vom Yannick för euch debi. Dezue nemmt eus de Luca met nach Südamerika – mer händ also e bonti Mischig a Reiseziel met debi.

Am Alex sini Reis werd au witer goh, ond zwar meteme “Abstecher” nach Australie! Vo Tokio Narita gohts öbere Floghafe vo Auckland witer nach Sydney – met Air New Zealand, eimol ide Business ond einisch ide Economy. Dörte wärde witeri Hotels ond Erlebnis die beide erwarte.

För mech ond de Yannick gohts nöchst Woche in Richtig Asie. Uf eusem Flog öber Bangkok ond Singapur nach Bali, dörfe mer d Business Class Produkt vo Swiss, Thai ond au Singapore Airlines gnüsse. Es werd also au scho mol en spannende ond gmüetleche Flog id Ferie. Natürli wärde mer euch vo eusere Reis ebefalls brichte ond euch ufem laufende halte. Freuet euch uf schöni Bilder ond zahlrichi Reviews.

Zuesätzlech werds natürli au ide nöchste Woche spannendi Deals, News ond Guides us de Wält vom Reise geh.

För eus send also d Reiseaktivitäte vode Sommerferie no i vollem Gang. Wie gsehts bi euch us? 

Lust auf mehr reisetopia Artikel? Dann folgt uns:

Autor

Von klein auf bereiste Colin die Welt, angefangen bei seinem ersten Flug nach Australien mit etwas mehr als einem Jahr. Das Reisen wurde ihm sozusagen in die Wiege gelegt. Reisen wurde zu seinem grössten Hobby. Dank immer neuen Tricks kann er nun auch regelmässig in der Business Class weitere Teile der weiten Welt erkunden. Die Tricks und seine Erfahrungen teilt er gerne auf reisetopia.

Fragen? In der reisetopia Club Lounge auf Facebook beantworten wir Eure Fragen.