Ä Airline wo nüme flügt, nöii Meiläschnäppli und spannendi Reiseaktivitätäe vo üsem Team. Das isch der Wochenrückblick bi reisetopia.ch!
D Highlights vor Wuche bi reisetopia i der Schwiiz.
Bi dä News hets zu Schwiizer-Themä bsungers viu ds brichtä gäh. Überschattet sie die Meldige leider vo der Insolvenz und em aschliessende komplette Grounding vo Aigle Azur worde.
Vom Flughafe Basu und der gsamte Schwiizer-Luftfahrt hets aber ou positivs ds brichtä gäh. Abgseh vom enorme Rückgang vo dä Charterflüg geit d’ Entwicklig vom Schweizer Luftrum i die richtigi Richtig und ds Wachstum am Flughafä Basu isch gross.
Us Züri gits Nachrichte vom The Circle, wo d’ Edelweiss mit der gsamte Planig und Verwaltig wird i zieh. D’ Alexa fingt das es edus Gebäude für d’ Eduwiss. Schlächteri Nachrichtä gits vo Air China: d’ Verbindig zwüschä Peking und Chlotä wird sehr bald ersatzlos gschtrichä. Ud Gescht müsse uf d Direktflug vor Swiss oder uf Umschtigverbindigä uswichä.
Witeri interessanti, aber glichzeitig nüt sägendi Meinige gits vo mänä Nationalrat, wo d’ Arbeit am Flughafä Zürich glichzitig lobt und kritisiert. Ds Ergäbnis het d’ Alexa für üs analysiert.
Us der Hotellerie vor Millionenstadt hei mir hüt ou es Verchoufsschnäppli. Für mindischtens 160 Millione chöit dir ds Hotel Atlantis choufe. Im Moment fingt sich eifach grad kei Chöifer für ds Hotel am Fuess vom Uettliberg.
Lieber ä chli günschtiger? Airbnb macht aktuell enormi Umsätz i der Schwiiz und lieferet derbi überraschendi Ergäbnis. Verschiedeni Tourismusverbänd hei versucht d’ Arbeit vom Peer-to-Peer Service ds analysiere, ou wenn si derbi grossi Stolpersteine vom Online-Dienscht hei i Wäg gleit übercho. Churz: Viu si mit em Erfolg nid zfriede.
Bevor mir d Schwiiz mit dä Nachrichtä verlöh, no ä Neuigkeit vo der Flugsicherig skyguide: Si isch aus Unternähme, wo sich bsungers für d Glichstellig vo Maa und Frou isetzt, uszeichnet worde. Es gutes Zeichä, wo mir nid unerwähnt wei lah.
We mä aktuell vo der Schwiiz zum Münchner Flughafä möchte, de isch der wahrschinläch unagnähmschti Wäg der Zug. Itz überlege d’ Politiker in Dütschland, wie mä der Flughafä ad ICE-Verbindigä chönt aschliässä und so witteri Kurzstreckäflüg chönt spare. Natürläch ou zum Vorteil vo dä Schwiizer Reisendä.
Äs paar Schwiizer Reisendi si aktuell in Florida u der Karibik ungerwägs, wo grad der Hurrikan Dorian sis Unwäsä tribt. Mir hei üs agluegt, wie Airlines, Veraschtauter und Touringvereine mit dä Schwiizer im Unwättergebiet umgöh.
Ä witeri Neuigkeit gits bi Eurowings. Nachdäm si ds New York ä Bueb hei la stah, gits Änderige a dä Reglä für Meiläbuechige.
D’ Wuche vo dä Deals hei mir mit dä ändlich buächbare Swiss-Langstrecki-Meiläschnäppli agfange. Die spannende Ziel hei leider nume bescheideni Verfüegbarkeite. Derzue hei mir öich die erschte Lufthansa Meiläschnäppli i der Premium Economy gseh und öich vorgschteut.
Ou vo dä Nachbare us Öschterrich gits Meiläschnäppli, die sie aber leider numä i dä wenigschtä Fäu ou würkläch interessant. We mir der Blick aber nach Weschtä richte, de hets die Wuche ou no die nöiä Promo Awards vo KLM und Air France gäh!
Wär no wott Meilä choufä, cha da aktuell bi Britisch Airways machä. Mit 30 Prozänt Bonus cha säch der Chouf für es paar Ilösige lohne, ou we mir scho besseri Bonuswärte hei gseh.
Dir weit aus Deals us der Wuche nomau läse? De lueget am beschtä uf üsere usfüährläche Übersicht!
Näbä dä News us aller Wut hei mir ou wieder viu säuber erläbt.
D Wuche het für ä Alex mit ä mä Flug nach Münchä, dasmau aber ganz unspektakulär nonstop ab Basu, anfange. Dert het är müässä feschtschteue, dass die dörtigi Priority Pass-Lounge vom zwöi bis am füfi keni warme Mauzitä abietät. Für das ds kompensiere, het er i der Hauptstadt vo Bayern när es paar asiatischi Restaurant teschtet.
Ds Münchä isch de ou wieder ä Nacht im Holiday Inn uf em Programm gschtange, wo dank em IHG Spire Status ä agnähmi Überraschig isch gsi!
Zämä mit der Alexa, wo bi irer ä Familie isch gsi, isch der Alex när mit der CRJ vor Lufthansa City Line am Fritig wieder hei greist. Aber numä für nä churzi Verschnuffpousä. Hüt isch es nämlich mit Iberia via Madrid uf Marokko, ids grad nöii eröffnete Hilton Tangier Al Houara Resort & Spa gange. Über d’ Erfahrigä vo dä drü Nächt dert, werdet dir gli i mä nä Review läsä.
Für ä Colin und Yannick isch die Wuche iri Asie-Reis id Ändrundi gange. Nachdäm si no es paar Tag im ruähigä Bali hei gnossä, si si uf ämä chli ungwöhnlächä Wäg uf Singapur gfloge. Das, für mit ämä eifachä Trick und ohni grossä Ufwand a Star Alliance Gold Status ds cho. Wie genau das funktioniert, wärde ich die beide im ä nä separate Guide erkläre. Ds Singapur acho, isch es ids wahrschinläch bekanntischtä Hotel dert gange: Ds Marina Bay Sands. Soviel verrate mir afang: Ds Hotel isch definitiv ä Klass für sich.
I der zwöitä Nacht isch äs de ids Conrad Centennial Singapur, wo grundsätzlich es enorm guets Hotel isch, aber äbä nid mit em fasch dopplet so türe Marina Bay Sands ds verglichä isch. Mittlerwilä si die beide aber ou scho wieder uf äm Wäg zrügg id Schwiiz.
I der glichä geografisch Region isch der Luca ungerwägs. Leider hets aber nid für näs chlises reisetopia Meeting mit em Colin und Yannick in Südoschtasie glängt. Für ihn isch es vo Bali uf die benachbarti Inslä Nusa Lembongan gange, für bi glägentlächä Schnorchuusflüg d’ Meerestier vo gross bis chli ds beschtune.
Nachdäm er sich uf Bali no es paar Surfcontests het agluegt, ihn aber dä Sport nid het chönä fesslä, gönnt er sich am Ändi vo derä Wuche no ä Abstecher ids Conrad Bali, wo er grad direkt nach der Buschig vom Standartzimmer uf ä Suite isch upgraded worde.
U das erwartet öich nächschti Wuche
I dä kommendä Tag erwartet öich äs enorm hochklassigs Review us Rom, wo der Luca vor es paar Tag äs Luxushotel het dörfä erlebe, wo er bis itz no nid het chönä buächä.
Nach drü Nächt und chli Entspannig wird für d’ Alexa und der Alex wieder zrügg nach Basu ga. D’ Gnusswuchä stöh a, und das bedütet vorauem eis: Gniesse däheim. Ob sis aber würkläch wärdä schaffe, bis zum Semeschter-Schtart für d Alexa ds Basu ds blibä, isch ä Frag, wo si ersch im nächschtä Wucherückblick chöi beantwortä 😉
Der Luca verlaht die vo Tourischtä überflueteti Insu Bali i Richtig Norde nach Malaysia. I der Business Class vor Boutique Fluggseuschaft Malaysian Airlines geit für ihn über Kuala Lumpur nach Langkawi, wo er no es paar Tag wird entspanne. Uf em Plan steit zum bischpiu ds The Andaman Hotel, wo zur Luxury Collection vo Marriott ghört. Ds Endi vor Wuche wird de Sightseeing in Kuala Lumpur si.
Näbä de Aktivitäte i üsem Team hei mir natürlich ou für die kommende Wuche spannendi News, interessanti Guides und super Deals für öich vorbereitet.
