Zur Schriftdeutschen Übersetzung
O i dere Wuche isch ir Reisewäut wieder einiges los gsy. Jedoch hetsech d Reiseaktivität i üsem Team für einisch arg i Gränze ghaute. Dr Luca u dr Fabian sy die einzige gsy wo sy ungerwägs gsy. Är het sini Ferie ir Region Salento z Italie bi schönstem Wätter u beschtem Ässe chönne beände u füre Fabian isch nume ufmne Churztrip gsy. Die Wuche hetsech derfür bide Airlines einiges ta! O Aber o i dere Wuche heimer wieder diversi Deals und Guides für öich gha wo mir i üsem Wucherückblick zämefasse.
D Highlights vor Wuche bi reisetopia ir Schwiiz
D Wuche het agfange mitere eher schlächte Nachricht usem Miles and More Programm. Wägere Chlag vomene Chund wo sini Meile gärn uszaut wetti, het Miles and More dr Transfer vo Superpünkt churzerhand gstoppt. Mittlerwile isch aber dr Transfer wieder teilwiis müglech. Mir chöi auso gspannt sy wiesech die Gschicht wiiterentwicklet. Zudäm hets no meh Details zur Frage: “Sy Meile e-Geld”?, gäh wöu die Frag chönnt z Meile sammle zimlech verändere. Dr Alex het öich zeigt ob sech dr Hilton Honors Gold Status lohnt wo mir üsem Team aui zäme bsitze. D’ Alexa und dr Alex sy bi ihrem letzte Trip zuefälligerwiis o in New York gsy u si zimlech beiidruckt gsy vom Virgin Clubhouse am Flughafe Newark.
I dere Wuche hets o viu Nöis us dr Schwiiz gäh. Am Flughafe z Züri entsteit grad e gigantische Nöibou wo dr Name The Circle treit. Scho nächst Jahr söu dä Megabou eröffnet wärde. Mir hei o e grosse Gast dörfe am Flughafe z Züri begrüesse, nämlech dr Spiderman himself. Er isch da gsy zum z 20 jährige Jubiläum vo United uf dr Strecki Züri – New York Newark z fiire. Mi rätsle auerdings immer no wieso grad dr Spiderman dert isch gsy… Nach de verheerende Aschläg z Sri Lanka het ds EDA e Reisewarnig usegäh, mittlerwiile isch die Warnig wieder abgschwächt worde und d Reiseverastauter plane wieder Agebot i däm wunderschöne Land. Die grösste News us dr Schwiiz sy ganz klar vo Germania cho oder wie die “nööi” Schwiizer Airline iz heisst: CHair. Näbst em neue Name hets o Veränderige ader Beteiligungsstruktur gäh!
O vor SBB hets News gäh: Sit es paar Wuche giut a vier Schwiizer Bahnhöf es Rouchverbot.
Für Flugreisendi hets o die Wuche z einte oder angere z Brichte gäh. Bir Swiss bietet jedi Langstreckemaschine e First Class. Bir Lufthansa gseht das Ganze chly angers us. Dr Luca het das mau agluegt u zeigt weli Maschine vor Lufthansa e First Class hei u wo die häreflüge.
Mir hei ono e wiitere Blick id Zuekunft – aber tatsächlech e sehr wiite: Bide Ultra-Langstrecke sy dr Airbus A350 u dr Dreamliner vo Boeing z Mass aller Dinge. Bei den Ultra-Langstrecken sind der Airbus A350 und der Dreamliner von Boeing das Mass aller Dinge. Qantas möcht aber no längeri Streckine aus die bishär bestehende abiete – Airbus het aber sofort konteret u het direkt zwöi müglechi Modäu i Ussicht gsteut. Üses Team isch hie bsunders gspannt was das wird bedüüte.
Us dr Wäut vode Hotels hets die Wuche weniger nöis gäh – mir hei öich aber dr Brand Explorer vo Hyatt vorgsteut woder drmit bis zu zwöi Gratis Nächt chöit sammle.
Drzue hets die Wuche viili spannendi Flugdeals, es paar mit Abflug z Basel, Genf oder Züri gäh.
Dir weit aui Deals vo dere Wuche nomau läse? De lueget doch mau uf üsi usfüehrlechi Überischt!
Wie scho am Afang erwähnt, simer die Wuche weniger ungerwägs gsy. Aber gly chöme ja die grosse Summerferie.! Nachdäm dr Luca vo syne Italieferie zrügg uf Basel isch cho, het ihn dert doch eher wächsuhafts Wätter erwartet.
Füre Fabian ischs is Tessin – für einisch ganz eifach und unbeschwärt mitem Zug. Dr Usblick ischs aber d Reis würklech o Wärt gsy!
Dr Alex isch drfür ar Art Basel ungerwägs gsy u mäudet sech de nächst Wuche wieder.
