Die Schriftdeutsche Übersetzung gibt es hier.
Au in däre Wuche isch in de Schwiz, Europa und in dr Wält einiges passiert. Was mir erläbt hänn und welli Agebot und Guides unseri Ufmerksamkeit gweckt hänn, läsed ihr Ihr in unserem Wucherückblick.
D Highlights vo de Wuche bi reisetopia.ch
Vo de Swiss het’s positivi Nochrichte gäh, will d First Class wird witterhin fixe Bestandteil vode Flotte bliibe! Denn hett die gröscht Schwizer Airline no e Chat-Bot igfiehrt, wo de User schnäll und unkompliziert bi Umbuechige und Problem sött witterhälfe. Gliichzittig hett’s aber au e biz Verunsicherig gäh, will Miles & More akündet hett, dass d Meileiilösig uf variabli Wärt umgstellt wäre sölle – zwor erscht in e paar Joor, aber trotzdäm mache au mir uns über das Gedanke.
Leider hett’s aber au e paar schlächti Noochrichte gäh, wie zum Bischpil, dass s GA vo de SBBB schowider sött türer wärde. Dass de First Class Transfer in Frankfurt ab jetzt nümm me mit S-Klasse, sondern mit Porsche Modäll erfolge wird, händ mir in die neutrali Kategorie abglegt. Was uns als Schwizer aber sehr gfreut het, sind d Nochrichte us Bärn und Lugano, will beidi Flughäfe wärde in Zuekunft gförderet, drmit mir in de näggschte Joor widr mehr Linieflüg vo und zu däne Ziel erwarte dürfte.
E neus Small Luxury Hotel het in Züri eröffnet und zwor in de gliche Wuche, wo Hyatt d Kooperation mit däm Hotelprogramm erwitteret het. Drzue het die neui Star Alliance Lounge in Paris eröffnet und mir freue uns scho alli uf die erschte buechte Flüg in die französischi Hauptstadt.
Us de Wält vo de Deals hän mir uns über d Aktion vo PartnerPlusBenefit gfreut, wo me als Sälbstständige Arbetnähmer 5’000 Pünggt mit de Amäldig ufs Konto guetgschribe bekunnt. Drzue gitt’s e neui Aktion mit 5’000 Pünggt je Ufenthalt in de beide Luxusmarke vo de Hilton-Ketti, Waldorf-Astoria und Conrad. E witere Punggte-Sale het uns au no begeischteret: mit 40 Prozänt Bonus chönned Ihr eures Aegan Konto uffülle.
Bi de Reise-Aktivitäte sinnd mir die Wuche eher entspannter unterwägs gsi. Für de Alex isch es zu de Start Up-Night nach Züri gange, wo är sehr spannendi Gspröch über Travel-Hacking und anderi Theme im Rahme vom luxuriöse Reise het chönne fiehre.
De Colin het sich zitglich zumene chline Run durch Europa gmacht: Basel, München, Amsterdam und wider zrugg. Sis Highlight isch sicher d Lounge in Amsterdam gsi.
Mir händ euch au vo vorhärige Reise brichtet. So hetts e neus Review vom Luca usem Conrad Dubai gä, und de Colin het über s Hilton Times Square New York brichtet.
Was euch nächst Wuche erwartet
Nächscht Wuche gitt’s dank Uffahrt wieder mehr Reise-Aktivitäte: Für Luca gohts zerscht emol nach Mailand und vo dört über e griechische Umwäg nach Münche. Wo ahne es für mich und d Alexa goht, sind mir no am usefinde, es git im Momänt eifach no z viel Optione, wo uns würde alache. Denn gitt’s au no e neus Review vom Alex us Asie und Amerika und drzue gitt’s e neui Usgob vo reiseverrückt. We immer erwarte Euch denn no früschi News, neui Guiides, witteri Reviews und vieles mehr!
