Zur Übersetzung dieses Artikels geht es hier lang: Der reisetopia.ch Wochenrückblick auf Schriftdeutsch
Dä Wucherückblick fasst siebä spannendi Täg für üses Team und Reisendi us dä Schwiiz zämä. Ich bin us Münche zruggcho, dä Colin hät nomal dä Flughafe Istanbul bsuächt, äm Mirco sini Ferie ufem Wäg nach Spanie sind wiitergange und für dä Yannik isches nach Dubai gange. Was suscht no passiert isch und welli spannende Deals und News diä Wuche bracht händ, läsed ihr i üsem nüüe Wucherückblick.
D Highlights vode Wuche bi reisetopia ide Schwiiz
D Osterwuche hät mit sehr positive Verchaufszahle für Interrail ide Schwiiz und dä Eröffnig vom Jewel am Flughafe in Singapur agfange. Miles and More hät diä Wuche akündet, dass diä nachträglichli Meileguätschrift au per Handy-Foto möglich z mache isch – bis jetzt aber mit gwüsse technische Problem. Mit News us dä Schwiiz isches dänn mit dä kuriose Lag vodä nüüä Starbuck Filiale am Flughafe Basel wiiter gange und dä Akündigung, dass Germania Schwiiz bald als “CH Air” abhebä chönti.
Zum Abschluss vode Wuchä hät United ä nüüi Lackierig für ihri Flugzüüg vorgstellt, Lufthansa macht nüüerdings Werbig für Europa und au d Air France hät ihres nüüe Business Class Produkt vorgstellt. Leider häts diä Wuchä au kritischeri Nachrichte geh: ds striktere Vorgehe vode Günschtigairline Eurowings bim Handgepäck hät für Gsprächstoff gsorgt, währed dä Streik bide SAS in Skandinavie ganz vielne d Luft verschlage hät. Nur scho ide erscht zwei Täg sind bis jetzt meh als 250’000 Passagiär betroffe.
Es hät aber au bide Deals einiges z brichte geh. Näbed eme Bonus uf Choice-Pünkt, häts bi Hilton ä nüüi Aktion zum Sammle vo Pünkt geh. Zudem hanä isch no en nüüi Usgab vode Singapore Airlines Meileschnäppli usächo, au wieder mit attraktive Ziel und günschtige Priise.
Uf dä Langstreckä häts en günstige Business Class Sale nach Bangkok, ufd Seychellä und nach Hong Kong geh.En First Class Sale ab Kiew und Moskau hät üs enorm überrascht, aber au idä Economy hämmer spannendi Agebot ab Stockholm für üch gfunde.
Au diä Wuche hämmer üch wieder zu Idrück vo üsne Reise mitgno: Ide reiseveruckt Episodä vom Mirco isches vo Manchester nach Bern komplett nur ufem Wasser- und Langweg gange. Dä Luca hät vom Andaz in Singapur brichtet, das hämmer bereits i sim reiseverruckt letzti Wuche dörfe kännelerne.
Was d Loungä betrifft hämmer nüüe Reviews us Genf und Lissabon, d Arrival Lounge in Züri vom Luca und diä nüüi internationale Business Lounge in Istanbul vom Colin für hämmer Üch vorgestellt.
Was Üch idä nächschte Wuche erwartet
Ide nächschte Wuche gahts bi üs chli ruhger zuä und her. Dä Yannik wird us Dubai und dä Mirco vo sinere Europa-Rundreis zruggcho. Dä Fabian wird üs dänn vo sim reiseverruckte Erläbnis brichte, ich wirde mini Erfahrigä mit dä nüüste Generation vo Personkontrolle teile und dä Yannik wird us dä Condor Economy Class brichte. Däzuä gits nüüi Guides, Reviews und vieles meh!
