Do goht’s zu de hochdütsche Version Version.

Au in däre Wuche isch in de Schwiz, Europa und in de Wält einiges passiert. Was mir erläbt hän und weli Agebot und Guides unseri Ufmerksamkeit gweckt hän, läsed ihr in unserem Wucheruckblick.

D Highlights vo de Wuche bi reisetopia in de Schwiz

Au in de Wuche vom Schwizer Nationalfirtig het’s viel Neuigkeite us aller Wält gä! Us unserem Nochberland Dütschland stön grossi Änderige und hoffentlich Verbesserige für Reisendi ah. In Frankfurt git’s neui Sicherheitskontrolle, wo s Reise vereifache sötte.

Vo de Lufthansa git’s witeri Nochrichte, will d Airline überlegt sich e Schlofcouch und anderi Produkt izfiehre, wo de Verkauf vo Zuesatzleistige attraktiver mache sött. Witerhin git’s e Veränderig bim Joint Venture für transatlatischi Flüg: d Flüg uf dere Rennstrecki sötte wider tüürer wärde.

lufthansa airbus a380

Drzue tobt altiell im Nochberland e Strit um d Ysebahn in Dütschland. Aktuell wird diskutiert, wie me s Reise am Bode attraktiver macht, um eso d Luftfahrt z reduziere. So sötte langfristig Kurzstreckeflüg reduziert wärde. Dazu tobt aktuell im Nachbarland ein Streit um die Eisenbahn Deutschlands.

Lufthansa A320

In Europa git’s aber au witeri Nochrichte! Einigi Flughäfe in Europa hän sich emene gmeinsame Umwältschutz-Ziel verschriebe. Mit drbi isch au de Flughafe in Mailand, wo jetz neu vo de asiatische Airline EVA Air mitere Boeing 777 abunde wird!

Witeri Nochrichte us Italie: Die agschlageni Alitalie kunnt nid us de Schlagzile use. Eine vo de neu gfundene potentielle Partner, wo d Rettig sött ermögiche, stoht aber au imene zwifelhafte Liecht do.

Alitalia Airbus A320

Us de Wält vo andere ehemalige Staats-Arlines: Kenya Airways könnt nach mehr als 20 Joor als Privatunternähme wider verstaatlicht wärde.

Kenya Airways SkyTeam

Im Berich vo de Hotellerie hän mir Neuigkeite vo Hilton. Nacjdäm Marriott aktiell wäge Ressort Fees verklat wird, lege d Amerikaner noche und verklage au Hilton. Uf de gliche Site vom Atlantik: uf Kuba söll e neus Luxushotel vo Kempinski eröffnet wärde. Imene andere Paradies händ mir interessanti Nochrichte, will s neue IHG Hotel uf de Maledive söll s türste Hotel vo de Ketti wärde: 100’000 Pünkt kostet d Nacht und das mitemene Mindestufenthalt vo zwei Nächt.

Intercontinental Raa Atoll 5950734484 2x1

Die Wuche hän mir für Euch us de Wält vo de Meile sehr spannendi Agebot ka! Bsunders de Bonus vo 50% uf de Kauf vo Meile vo Aegean macht Flüg in de First oder Business Class enorm günstig. Dr Deal lauft no bis am 8. August 2019!

Bim Yylöse vo Meile git’s wider die neue Lufthansa Meileschnäppli! Spannendi Ziel sind dasmol drbi, unter anderem Miami.

E witere spannende Deal, wo mr für euch agluegt hänn, isch de Accor Gold Status über d ibis Business Card. Ich ha die Karte und freu mi scho, sie chönne izsetze!

Gester ha ich Euch über mini Reiseplanig für die negschte paar Wuche informiert:

Reise 201908

E Trip über vieli Länder mit verschiedene Airlines, was sich genau hinter dere Landkarte versteckt, läsed ihr in minere Usgob vo booked!

Ihr wänd alli Deals us däre Wuche nomol läse? Denn lueged am beste uf unsere usfüehrliche Übersicht noche!

Mit de Ferie und em Firtig het’s in däre Wuche e grossi Mängi an Reiseaktivitäte quer durch Europa z brichte gäh! Es isch nach Grossbritannie (Alex), Dütschland (Alex), Italie (Fabian) und Frankrich (Linda) gange, während s räschtliche Team produktivi Däg in de Schwiz het chönne nutze.

Für mich isch es in däre Wuche spontan plant kurz nach London gange um de Launch Event für d British Airways A350-1000 chönne z bsueche. An dä Flug kurz nach de 6i am Morge ha ich mich scho fast gwöhnt. In London acho, ha ich dene de enorm guet organisierti Event vo de Airline dörfe miterläbe und mir e eigenes Bild vom Produkt im neue Flugzüg dörfe mache. Mini detaillierte Idrück findet ihr bald an däre Stell, do aber zersch mol e paar Bilder:

IMG 7598 20190729 150230 20190729 145847

D Alexa isch nachere Wuche bi ihrne Eltere wider zrugg nach Basel und gwöhnt sich z’erscht emol and Tatsach, dass Öffentlichi Verkehrsmittel sogar emol nach Plan fahre.

Wochenrückblick Alexa ICE 2019 31 5

De Luca het sich sinere Abschlussarbet gwidmet und sich dorum über d Firtig in d Bärge zruggzoge. Näbscht de Tatsach, dass es uf 2’000 Meter über Meer bedüttend weniger Rakete und Knallbombe-Lärm gäh hett, hett är dank em fantastische Usblick uf d St. Galler Voralpe so richtig ind Taste chönne haue.

Luca Wochenrückblick 2019 31

Bi de Linda sinn d Surfbedingige an de französische Atlantikküste nid immer eso wie gwünscht gsi, als Vorbereitig uf d Wälle an de North Shore Oahu’s isch’s aber ideal gsi.  Näbebi isch no Zyt blibe für guets Ässe, Yoga und unzähligi Sandburge.

Wochenrückblick Linda Frankreich 2019 31 1 Wochenrückblick Linda Frankreich 2019 31 2

Au für de Fabian isch es ind Bärge gange übere Nationalfirtig. Är het d Wuche in Belluno, e Stund nördlich vo Venedig verbrocht, wo är s “dolce far niente” und die italiänischi Kuchi gnosse het.

Wochenrückblick Fabian Italien 2019 31 1 Wochenrückblick Fabian Italien 2019 31 2

Was Euch in de nägschte Wuche erwartet

In de nägschte Wuche stelle mir euch wider spannendi Inhalt vor! Näbscht emene Review vom Yannick us Dubai, git’s e witers Review us Amerika vom Colin. Drzue hän mir neui, früschi Guides vom Mirco und Luca für Euch vorbereitet.

Au us de Reisewält git’s bi uns vieles z brichte! Für mich goht’s in de nägschte Wuche scho los nach Tunesie, denn über Kairo witer nach Japan. Aktuell schiints, als würd e Flugzügwächsel für mini Route astoh.

Nach de entspannte Wuche in Italie goht’s für e Fabian am Donnstig-Obe mit de Swiss nach Budapest, wo är sich mit Fründe am Sziget-Festival vergniege wird. Au für e bizli Sight-Seeing in de Hauptstadt vo Ungarn sött’s no Platz ha.

Drzue hän mir vieli News, spannendi Deals und wider e bunti Mischig an interssante witere Inhält!

Autor



Fragen? In der reisetopia Club Lounge auf Facebook beantworten wir Eure Fragen.