Hier geht’s zur Schriftdeutschen Übersetzung.
Mit ärä Mischig us News, Guides, nöiiä Reisä und spannendä Deals isch ou i derä Wuche viu bi reisetopia.ch passiert. Was die Wuche genau bracht het, läset dir i üsem Wuchärückblick!
D’ Highlights vor Wuche bi reisetopia i der Schwiiz.
Im News-Berich het d Woche mit positive Nachrichtä für Airbus-Fans agfangä: D’ Lufthansa setzt im Summer d’ Langschtreckemaschinä vom Typ A340 uf Schtreckinä innerhaub vo Europa i. Derzue het Airbus akündiget, die bi der Swiss sehr beliebt A220 mit ärä grösserä Richwiti usdsstattä und somit no viufäutiger idssetzä. Witeri Nachrichtä hets vo Emirates und Air Italy gä: Beidi Fluggseuschafte setzä i Zuekunft uf Airbus-Modäu und nid u ä Dreamliner.
Leider hets ou negativi Nachrichtä gä, zum Bischpiu vo Icelandair, wo verschiedeni Flüg vo und nach Gänf het müässä schtrichä. Ou für Inhaber vom Frequent Traveller Status bi Flüg vo Eurowings gsehts schlächt us – D Airline überleit, der Loungezuegang, wos bis itz dank em Status het gäh, komplett idsschteuä. We mir scho grad bi Mile & More si: Der Transfer von Coop Superpünkt zu Miles & More Meilä isch kurzfrischtig gschtoppt worde und het dermit dä Meiläjeger und ou es paarnä vom reisetopia.ch Team churz der Schnuff abgschteut. Der Transfer geit itz wieder, aber die beliebti Müglächkeit, Trophy Pünkt i Meilä umztuschä, isch bis uf witeres igschteut.
Kuriosi Nachrichtä hets no bi Air Italy gä. Dert cha mä säch itz ä Status ganz eifach choufe, der Topstatus gits für 560 Frankä.
Bi dä Deals hets viu Flugdeals gä und wüu scho wider Monätsändi isch, hei mir nomau uf d Meiläschnäppli vom Mai zrügg gluegt. Die nöiiä Schnäppli erwartä mir am Mäntig und mir bliebe witer gschpannt! Di dä Hotels gits ä nöii Aktion zwüschä Best Western und Miles & More wo mä rächt eifach 4’500 Meilä cha sammlä. Die nöii IHG PointBreaks si ou erschienä und mir empfähle öich no schnäu ä Blick uf die ds wärfä, da si meischtäns schnäu usverchouft si.
Dir weit aui Deals vo derä Wuchä nomau läsä? De lueges am beschtä uf üsi üsfüährlächi Übersicht.
Di dä Rewies hei mir üs sehr über Lucas IDrück aus der 747-8i vor Lufthansa gfröit – stadnesgemäss i der First Class und mit Meilä buechet. Derzue hei mir öich witeri Premium Economy Produkt vorgschteut und derzue es paar Hotels us Europa. Aui Reviews finget dir natürlich ou i üsere Übersicht.
A der Reisefront het sich ou wieder einiges da. Nach ämä churzä Trip quer dür d’ Schwiiz, Öschtrich und Dütschland isch es für ä Alex am Afang vor Wuchä wieder zrügg nach Baus gangä. Dank äm schlächte Wätter gits nume Fötäli vom ungloubläch guete Ässä in Landshuet.
Und vo der Häräfahrt i der erschtä Klass vor Dütschä Bahn – zum erschtä Mau mit ämä pünktlächä Zug!
Für ä Luca isch es für nä Churztrip uf Griächäland gange, dermit er mit em Aegean Airlines Segment-Run i Richtig Star Alliance Guld chunt. Diä buechtä Flüg hei nä vo Mailand über Athen uf Kreta und zrügg via Thessaloniki uf Münchä bracht.
Derzue het är Guetschinä brucht, wo ihn bequem id Business Class vor äuä beschtä Regionalairline vo Europa hei bracht. Zwüschä dä Flüg het er i günschtige Hotels gschlafe, für doch no ä chli griechischi Sunne und Gyros chönnä ds gniässä.
Was öich nächscht Wuche erwartet
I der nächschtä Wuche gits uf reisetopia.ch wieder ganz viu nöiä Content. Unger angerem mit nöiiä Reviews vom Alex sinä Reisä und am Luca sim Wuchenendtrip. Derzue gits no ä nöia Tripreport, viu spannendi Guides und no viu meh!
