I derä Wuche isch reisetopia i der Schwiiz gschtartet und mir hei ä super Launchparty mit öich dörfä fiirä. D’ Glägäheit hei mir ou für näs Planigsmeeting ds Züri gnützt, und hei mit üsnä Läser Getränk und Snacks gnossä. I derä Wuche isch aber no viu meh passiert. Hiä finget dir d’ Zämäfassig vo üsnä Erläbnis.

D’ Highlights vor Wuche bi reisetopia

Während ds Dütschland nöii Funktionä si igfüährt worde, hei mir i der Schwiiz üsi eigäti Sitä mit dä wichtigschtä Informatione und Guides für Schwiizer vo Schwiizer online bracht. D’ Wuche isch auso starch im Zeichä vo neuäm Content gschtange. Trotzdäm isch üses Team äs paar Kilometer unterwägs gsi. 

Am Mäntig isch es für d’ Alexä vom Wuchäänd ds Münchä zrügg nach Basu gangä. Hiä het si d’ Lufthansa Business Lounge im Satellit vom Terminal zwöi gnosse. 

Lufthansa Cityjet MUC CRJ900

Glichzitig het ou der Fabian sini 12 stündigi Rückreis us Asiä während em Flug ir Business Class vo der SWISS chönä gniässä. 

Während aui angere vom Schwiizer Team säch ds Züri für d Launchparty und ds Planigsmeeting hei troffä, isch der Luca uf äm Wäg zu sinä Wurzlä nach Italiä. 

Luca Mailand 2019 04

Dank Lufthansa Surprise isch är für numä 99 Euro uf Bologna gflogä. Grad itz vor Oschtärä chönntä d Prisä für Europaflüg sehr höch si, darum het är hiä ä supär Deal gmacht. Ds Beschtä dran: Der Abflug isch am früächä Morgä, der Rückflug am schpätä Abä und darum hets zuäsätzläch sogar no ä Nacht im Hilton Mainz irä schönä Junior Suite gä. Nachäm unschpektakuläre Flug i der Lufthansa Cityline Economy Class geits gli nach der letschtä Portion Teigwarä zrügg nach Frankfurt. Dert cha är de när d’ Vorzüge vo der Business Class gniässä, sis Upgrade-Gebot für 80 Euro isch erfougrich gsi. 

Reisetopia Team Zürich

Nach üsere Launchparty si der Mirco und der Fabian wieder hei gfahrä, d’ Linda het mit der ganze Familie für chli meh aus 300 Frankä inkl. Zmorgä im Atlantis by Giardino übernachtet und der Räscht vom Team het d’ Nacht im Hilton Zürich Airport verbracht. Dank der Hilton Kreditchartä hei si aui äs Upgrade vom buächätä Zimmer übercho. Aus Hilton Diamond Mitglied het für ä Alex sogar ä King Relaxation Room usägluägt. 

Hilton Zürich Airport Relaxation Room

Hüt Morgä hei si no es guets Zmörgä chönä gniässä, bevor säch der Colin uf ä Wäg zum nöiiä Flughafä nach Istanbul het gmacht. Mir fröiä us scho, ir nächschtä Wuche vo sinä Idrück ds läsä.

Das erwartet öich nächscht Wuche

Ir nächschtä Wuchä erwartä öich bi reisetopia nid numä zauhrichi Deals, sondern ou schpannendi Guides. Mir erkläre zum Bischpiu, weli Meileartä das es bi Miles & More git. Usserdem gits witeri Reviews und ä Artiku us der Kategorie „reiseverruckt“, dasmau vom Luca.

Autor

Nachdem Alex in den ersten 5 Jahren seines Lebens mehr Zeit in Airbussen als in normalen Bussen verbracht hat, war das Hobby schon früh festgelegt: Fliegen. Egal ob in einer Turboprop oder einem A380, egal ob Holzklasse oder Premium: Der Weg ist das Ziel. Und wer kann schon behaupten in 12 Tagen New York, Singapur, Tokyo, Lissabon und Oslo mit Flügen in der Business Class verbunden zu haben?

Fragen? In der reisetopia Club Lounge auf Facebook beantworten wir Eure Fragen.