Hier geht’s zur Schriftdeutschen Übersetzung

Au die Woche esch bi reisetopia vieles passiert, metere bunte Mischig us News, Guides, neue Reise ond spannende Deals. Was die Woche gnau passiert esch chöne der ih eusem Wocherückblick läse!

D’Higlights vo de Woche bi reisetopia ih de Schwiz

Die Woche send d News vor allem vo de Swiss, British Airways und de Marriott Kette dominiert worde.

Bi de Airline mitem Schwizer Krüz esches met de Drohig vomene Abzug vom Standart Züri losgange. D Muettergsellschaft het droht alli Langstreckeflög uf Münche oder Frankfurt omzzieh und nor no Kurzstreckefllög am Flughafe Züri z positioniere. Die Mäldig esch bsonders spannend, well d Swiss ond d Ferie-Tochter Edelweiss beidi enorm positivi Ergebniss hend chöne vorlege!

ZurichAirport AerialView2
Quelle: Zürich Airport AG

Us de Lufthansa Group hets aber witeres positives z brichte geh: De Luca het sich für eus d Mäldig rond ome Fortbestand vo de First Class bi de Lufthansa Group gnauer agluegt und die us de Sicht vomene Schwizer First-Genüsser kommentiert.

Lufthansa 747 First Class

Vo de Schwizer Flughäfe het Züri sech übers Jubiläum vo de Qatar Verbindig uf Doha gfreut ond Bern het Schlagzile miteme Kompensationsprogramm för Emissione vo de Luftfahrt gmacht. Met neue Route ab Basel ond Genf send fast alli Flughäfe vo de Schwiz die Woche i de News enthalte gsi. En Nachricht wo Reisendi wo am Flughafe Züri omstige bsonders betreffe wird, esch die neui Rechtsprechig bezüglich de Fluggastrecht bi Omstigeverbindige! Wer also meteme Zuebringer vo de EU of Züri ond dene mit de Swiss witer flügt het bim zwöite Flog jetzt en vell grösseri Ahspruchsgrundlag för Entschädigungszahlige bi Verspötige.

Anstehen bei Boarding

Die beide Sorgechinder die Woche heisse Marriott ond British Airways. Beidi hend aktuell Problem metem Dateschutz, British Airways droht en Strof vo 225 Millione Franke, Marriott mues “nor” met 120 Millione rechne. Marriott werd dezue no imene US-Staat wäge Resort-Fees verklagt, miteme eher ungwüsse Usgang förd Ketti – för Reisendi esch en Rechtssprechig onter Omständ sehr positiv! En Mäldig wo sich schwer zom positive dräie loht esch aber de ahköndigti Streik vo British Airways, de eus recht kurzfritig ah fast allne Schwizer Flughäfe treffe chönti.

British Airways Airbus A319

Euses persönliche Highlight esch aber die neui Kabine vo de japanische ANA wo ohni jegliche Vorlauf vorgstellt worde esch. De Luca ond de Alex versueche jetzt Plätz ih dere neue ond beeihruckende Kabinde zbecho – los gohts of die nöchsti Asie-Reis!

ANA First Class
Neui ANA First Class
ANA Business Class
Au die neui Business Class gseht beeihdruckend us!

Mer hend die Woche weder spannendi Deals ond fröschi Guides gha!

Als aller ersts muess de Status Match vo de IHG Hotels erwähnt wärde, er lauft no bes am 26. Juli! Witeri Deals us de Hotel-Wält hemmer vo Hilton: Zerscht en Sale für Hilton Hotels in Asie und Ozeanie – denne no de aktualisierti Guide vom Mirco zo de beste Punkteihlösige bi de Ketti.

InterContinental Sanya Resort Suite 3

Was anderi Hotelkettine agoht het euses Produkt reisetopia Hotels zwöi spannendi Deals för Euch: Inere Vielzahl vo Vier Stärne Hotels chöne mer Euch tolli Vorteil zom gliche Pris sichere! Öber Hyatt Privé hemmer dezue tolli Vorteil im neue Andaz Wien, inklusiv enere kostelose Übernachtig im geniale Hotel.

Andaz Wien Zimmer

Dezue hemmer us Singapur tolli Neuigkeite: met de neue Usgab vo de Spontaneous Escapes chöned Ehr günstig vo Züri us uf Singapur flüge! Wers nochli luxuriöser ha wetti: aktuell gehts grad tolli Verfüegbarkeite für die neueri, gigantischi Suite Class im A380 ab Züri!

singapore airlines suites class neu a380

Zo witere Meileihlösige hemmer de Guide zo Stopovern und Open Jaws im Miles&More Programm för Euch aktualisiert ond die spannende Ihlösige ufzeigt. Aber au bim Meilesammle hets en aktualisierti Version vo de Berechnig vo de Meilewert för Euche Flug geh.

Wer aktuell en Status bi de Star Alliance oder oneworld het, sett emol de Status Match vo de Delta aluege – en Wäg wie Ehr schnell en zuesätzliche Status sammle chöned!

Ehr wend alli Deals vo dere Woche nomol läse? Dene lueged am Beste of eusere usfüehrliche Übersicht!

Au die Woche hemmer Euch of eusi Reise mitgnoh! De Colin het eus of sin reiseverrückte Trip of Amsterdam mitgnoh, vo dem mer bereits ahfangs Woche s Review vo de neue Star Alliance Lounge in Amsterdam för Euch vorgstellt hend.

Star Alliance Lounge Amsterdam 17

Vom Alex hets s komplette Review vom neue Parisi Udvar Hotels in Budapest geh – s absolut geniale Hotel mit Potential sis Stammhotel in Ungarn z werde!

Parisi Udvar Budapest Unbound Collection By Hyatt Gebäude Aussen15 Parisi Udvar Budapest Unbound Collection By Hyatt Gebäude 5 Parisi Udvar Budapest Unbound Collection By Hyatt Gebäude 8 Parisi Udvar Budapest Unbound Collection By Hyatt Zimmer 1

Aber au ih dere Woche hets weder spannendi Reiseaktivitäte geh – de Luca ond Alex send jetzt in Dütschland ond de Colin ofem Heiwäg us Amerika!

Före Alex  esches nach de Rückreis os Budapest direkt weder los gange – das mol aber metem Auto meteme Stop in Östrich witer of Dütschland.

Reisetopia Wochenrückblick Alex München Abflugtafel Terminal 2 Lufthansa

Im Colin sini Reis esch dore Weste vo de USA gange ond esch die Woche au scho weder verbie. Er het jedoch velli Ihrück vo de wunderschöne Nationalparks ond dere Landschafte chöne gnüsse. Die letschte Täg het er in Palm Springs ih de Nöchi vo Los Angeles im wonderschöne Kimpton Hotel “Rowan” verbrocht ond somet sini Ferie perfekt chöne abgrunde.

USA Colin Wochenrückblick

Nach einige Frustratione bi de Suechi nacheme Ziel het sich de Luca för en Flog vo Züri uf Berlin entschiede om en kurze Usflog ih die Dütsche Hauptstadt z verbringe. Während Ehr das jetzt läsed, sitzt er wohl im Waldorf Astoria ond gnüsst en Drink.

Was Euch ih de kommende Woche erwartet

Ih de kommende Woche hemmer för Euch en neue Guide, öb sech d Miles&More Kreditkarte lohne! Dezue hemmer es spannends Review vom Hilton Garden Inn Budapest, wo im Test vom Alex grossi Problem ih de Abläuf ond de Kundebetreuuig gha het. Dezue hemmer vom Colin en sehr spannende Deal för alli wo neus Lesematerial förd Ferie sueche! Före Alex füehrt de Weg weder zrogg of Basel, wo er sich of einige Täg deheime freut. D Linda fahrt met de Familie zom Surfe ah die französischi Atlantikkünste, währends före Luca in Berlin wiitergoht. Was die Woche no so z bite werd ha? Viel News us de Schwiz, Europa ond de ganze Wält vo de Flügerei ond de Reiserei!

Lust auf mehr reisetopia Artikel? Dann folgt uns:

Autor

Yannick ist schon seit seiner Kindheit begeistert vom Reisen. Mit seinen jungen Jahren ist er schon viel auf der Welt rumgekommen. Seine Reisen hat er je länger je mehr optimiert. Punkte und Meilen sind zu seinem Hobby geworden. Für reisetopia ist er immer auf der Jagd nach den besten Deals rund um das luxuriöse Reisen.

Fragen? In der reisetopia Club Lounge auf Facebook beantworten wir Eure Fragen.