Zur Schriftdeutschen Übersetzung

Wiä jedi Wuche hei mir üs sehr intensiv mit dä Neuigkeite us der Wäut vom Reisä, dä Meila und dä Pünkt beschäftiget. Bsungers bi dä Hotel het sich viu ta, mit spannendä Deals und Guides, wo mir hiä nomau für öich hei zämägfasst. Das aues läset dir i üsem Wucherückblick.

D’ Highlights vor Wuche bi reisetopia ir Schwiiz.

Die Wuche hets bi reisetopia grad mehreri News vo Hilton gäh: Näbäm Hilton Brüssel, wo aus IndiGo wird wieder eröffne, gits nöi uf dä Faröer Inslä äs Hotel und es Resort in Kroatien. I ha spannende News zu dä SBB-Nachtzüg brichtet, wo scho i dä nächschte paar Jahr d Schwiiz wieder mit Europa wärde verbindä. 

Faröer Inseln

Für Flugreisendi hets gueti und schlächti Neuigkeitä gä: Die nöii Zertifizierig vor Lufthansa söu ds Reise eigentlich eifacher gstautä, d’ Fougä wärdä aber erscht i nes paar Jahr spürbar wärdä. Kurzfristig profitiere chöit dir vo dä A380 Flüg zwüschä Indiä und Singapur, wo itz die nöii Singapore Airlines Suite Class biätet. Wär das einisch möcht erläbä, sött uf jede Fau zueschla!

singapore airlines suites class neu a380
Die nöii Suite Class isch nächmläch es ungloublächs Produkt.

Weniger luxuriös geits für Reisendi vo Eurowings witer, wüu d’ Airline züglät ds Münchä ids Terminal 1 und übernimmt diä ehemaligä Air Berlin Flächine. Ou keni Fröidäsprüng lösä d’ Veränderigä bi Etihad us, wüu ds choschtälosä Bordmenü i der Economy cha nid würkläch überzügä und d’ Optionä gägä Ufpris si äuä ds tür. 

Eurowings

Witeri Neuigkeitä us der Schwiz hets vom Hotel Äscher im Appenzell gä, wo wieder eröffnet het. Derzue no Nöiierigä von Swissport und EasyJet: die rot-orangschi Partnerschaft louft itz uf alle drei Schwizer Flughäfä, wo d’ Günschtig-Airline aflügt. Ä interessante Usblick uf d’ Zuekunft vo Germania Flug AG het ds Ändi vor Wuche ds bietä gha, wüu der nöii Namä und die gsamti nöii Marge söuä die Wuche vorgschteut wärdä. 

easyjet airbus a319 start

Bi üsnä Deals hei mir äs geniaus Agebot für öich gfungä: Bi Hyatt überchömät dir nid nume d Vorteilä vom Privé Programm mit choschtälosä Uprades und ämä Hotelguethabe, dir chöit sogar no vo choschtälosä Nächt profitiere! Mit ämä angere Hoteldeal chöit dir zuesätzlächi Pünkt bi Accor sammlä und bi Hilton gits 35 Prozänt Rabatt. Wär gärn bi der IHG Margä Kimpton übernachtet, cha dank am Luca sim gheimä Passwort zuesätzlächi Vorteilä gniessä. 

Andaz Singapore Bett Panorama

Für Meilä-Fans wo lieber wei flügä, hei mir d Meiläschnäppli vo der Lufthansa und Austrian agluegt und öich au die nöiiä „Meiläschnäppli“ vo KLM und Air France vorgschteut – Hie isch Curacao ä Gheimtipp!

Dir weit aui Deals vo derä Wuche nomau läsä? De lueget am beschte uf üsi usfüährlächi Übersicht!

Bi dä Guides hei mir öich Wäg ufzeigt, wie mirs immer wieder schaffä mit geniale Vorteile in Luxushotels ds übernachte. Allne vora isch hiä d Buechig bi Four Seasons spannend, wüu die Chötti keis eigets Bonusprogramm het. Ou bi der Buächig vom Shangri-La Sydney het sich der Alex zwüschä Virtuoso und em Luxury Circle Prgraomm müässä entscheide, wüu beidi haut eifach enormi Vorteilä bietä. Dank der Marriott Status Challenge schafft mäs schneuer zum Platinum Status vor gröschtä Hotelchötti vor Wäut. 

Tyo Ritz Carlton Tokyo 08

Aber ou i der Luft hei mir interessanti Guides für öich ufbereitet und aktualisiert. D’ Statusstuäfä bi Miles & More schinä im erschtä Moment ä chli unübersichtläch ds si. Darum het der Luca aui Stuäfä und die dermit verbundnigä Vorteilä zämägfasst. Aber ou angeri Wägä zum Star Alliance Gold Status, näbäm Senator vor Swiss, hei mir ufzeigt. D Vorteile vom Status und wiä dir nä chöit erreiche läsät dir i Yannicks Guide. Der Mirco het sich äs angers interessants Thema agluägt: Prämieflüg bi oneworld und wiä dir diä fingät!

Cathay Pacific oneworld Airbus A330 200

Ou die Wuche hei mir öich viu spannendi Iblick mit üsnä Reviews gä. Ds Highlight isch derbi die nöii Lufthansa Business Lounge in Mailand Malpensa, wo der Luca und der Alex het chönä begeischtärä!

Neue Lufthansa Business Lounge Mailand Empfangsbereich

Nachärä Irrfahrt mit der SBB nach Chur für nä Zwüschepräsentation vo sirä Studiäarbeit isch es für ä Luca i diä wohlverdientä Feriä gange – wobi ers lieber aus Arbeitsort-Umsiedlig würd umbenennä, wüu er het ou ds Italiä a sirä Thesis müässä schribä. 

Macbook Reisetopia Aussicht Torre Vado Salento Italien

D Swiss het nä nach rund zwe Stung i der Business Class bequem ids süditaliänische Brindisi bracht, wo er die nächschtä Täg fern vo Chöttihotels der Strand und feinie Pasta wird gniässä. 

Der Yannick het ä Churztrip nach Berlin gmacht. Mit äm günschtigschtä Flug wo er het chönä fingä isch es i die dütschi Houptstadt gange. Gschlafe het er im Hilton Berlin, wo ihn durchus het chönä überzügä. 

hiltonberlin_lobby

Nach stundelangem Sightseeing, Ussetämperature vo bis zu 32 Grad und gutem Ässä isch es am Mäntig mit viunä Idrück und vouem Magä wieder zrügg id Schwiiz gange. 

Was öich nächschti Wuche erwartet

Nach derä Wuche verabschiedä mir üs id Pfingschtwuche mit viune spannende Artiku, Reviews, Guides und News während Baseu voukomme im Zeichä vor Art Basu steit und sich unzähligi Privatjets uf dä Flughäfä im Umland sammlä. Die kommendi Wuche bringt für öich viu Reviews us der Wäut vor Business und First Class und es paar Wäg, wie dir bi dä nächschtä Hotelbuächige dopplet chöit profitiere. Das aues und meh gits uf reisetopia.ch.

Lust auf mehr reisetopia Artikel? Dann folgt uns:

Autor



Fragen? In der reisetopia Club Lounge auf Facebook beantworten wir Eure Fragen.